ពុទ្ធទំនាយសោឡសនិមិត្ត

មាតិកា

១. ពុទ្ធទំនាយសោឡសនិមិត្ត	៦.ព្រះឥន្ទទំនាយ
២. ព្រះពុទ្ធទំនាយ	៧. សាស្រ្តាពារសុក្រ
៣. ប្រស្នាព្រះឥន្ទ	៨. សាស្រ្តាពារសៅរិ៍
៤. ពុទ្ធទំនាយ	៩. ព្រះរោងទំនាយ
៥. ឥសីទំនាយ

១. ពុទ្ធទំនាយសោឡសនិមិត្តុ «មហាសុបិនជាតកំ»

ឧសភា រុក្ខា គាវិយោ គវា ច អស្សោ កំសោ សិគាលី ច គម្ពោ បោក្ខរណី ច អបាកចន្ធនំ លាវូនិហិ វិប្បរិយាយោ វត្ថតិ នយិធមត្ថីតិ។  មហាសុបិនជាតកំ សត្តមី៚

មហាសុបិនជាតកំ 

ព្រះរាជាទ្រង់ត្រាស់ថា មហាសុបិនទាំង១៦នោះគឺ៖ 

គោឡ  ១. 

បាទបសេនទិកោសល បានយល់សុបិន្តទាំង១៦យ៉ាង ហើយបានទៅជួបព្រះពុទ្ធ ដើម្បីជួយកាត់យល់សុបិន្តថា៖ តើការយល់សុបិន្តនេះ វាមានហេតុភេទយ៉ាងណា?  ពេលនោះព្រះសម្មាសម្ពុទ្ធ ក៏បានជួយកាត់យល់សុបិន្ត របស់ព្រះបាទបសេនទិ កោសល ។ ដែលអ្នកខ្លះហៅថា ពុទ្ធព្យាកាណ៍ (ការព្យាករណ៍របស់ព្រះពុទ្ធ) អ្នកខ្លះហៅថា ពុទ្ធទំនាយ (ការទស្សន៍ទាយ របស់ព្រះពុទ្ធ) តាមការពិត វាគ្រាន់តែជាការកាត់ យល់សុបិន្តរបស់ព្រះបាទបសេនទិកោសល ប៉ុណ្ណោះ។ ប៉ុន្តែការកាត់ សុបិន្ត នោះ ពិតជាត្រឹមត្រូវទៅតាមសម័យកាល មកដល់បច្ចុប្បន្ននេះ មិនខុសសោះឡើយ។

ការសុបិន្តទាំង១៦យ៉ាងនោះគឺ៖

១-ឃើញគោឧសភរាជ (គោឡើងករ) បួនក្បាល រត់មកពីទិសទាំង៤ សំដៅមកព្រលាន ក្នុងកិរិយាថា នឹងជល់គ្នា ប៉ុន្តែលុះមកដល់ ជិតគ្នាស្រាប់តែ បែរជាមិនជល់គ្នាវិញ ហើយចេញទៅទិសផ្សេងៗ។

ព្រះអង្គបានកាត់ថា៖ ក្នុងកាលអនាគត ធម្មជាតិនឹងមានការប្រែប្រួល មិនទៀងទាត់ ជួនកាលមេឃផ្គរប្រុងភ្លៀង បែរជាមិនភ្លៀងវិញ ជួនកាលភ្លៀង ទាំងកណ្តាលថ្ងៃត្រង់ក៏មាន ជួនកាលមានការ រំជួយដី ផ្ទុះភ្នំភ្លើង ទឹករលក ខ្យល់ព្យុះ ក្តៅហួសកំរិត ជាដើម។

២-ឃើញដើមឈើ ដុះទើបតែបានកម្ពស់ប្រហែល មួយហត្ថពីដី ក៏ស្រាប់តែមានមែកបែកសាខា មានផ្កា មានផ្លែរណែងរណោង។

ព្រះអង្គបានកាត់ថា៖ក្នុងកាលអនាគត ក្មេងស្រីឆាប់មានរដូវ ឆាប់មានប្តីបង្កើតកូន ឆាប់មានសេចក្តិស្នេហា ប្រុសនិងស្រី បរិបូរដោយកាមរាគៈ។

៣-ឃើញមេគោបង្កើតកូនមកថ្ងៃហ្នឹង ស្រាប់តែសុំកូនគោដែលទើបតែកើតនោះ បៅដោះវិញ។

ព្រះអង្គបានកាត់ថា៖ក្នុងកាលអនាគត មនុស្សបាត់បង់គុណធម៌ កូនមិនគោរព ឱពុកម្តាយ កូនសិស្សមិនគោរពគ្រូអាចារ្យ អ្នកតូចមិនគោរពរាមច្បង ឬអ្នកធំ ។ បែរជាឱពុកម្តាយ ជាអ្នកយកចិត្តកូន ខ្លាចចិត្តកូន ជាដើម។

៤-ឃើញអ្នកស្រែចំការ គេមិនទឹមគោធំៗទេ បែរជាទឹមកូនគោ តូចៗវិញ ដែលអូស ន័ង្គាល , រនាស់ , រទេះមិនរួច ទាល់តែសោះ។

ព្រះអង្គបានកាត់ថា៖ក្នុងកាលអនាគត ប្រទេសជាតិនៅក្នុងជួររាជការ គេមិនយកមនុស្សចាស់ ដែលមានបទពិសោធន៍ ក្នុងការងារ មកធ្វើការទេ បែរជាយកមនុស្សក្មេង ដែលមិនទាន់មានបទពិសោធន៍ ប្រាជ្ញាក្មេងខ្ចី មិនទាន់យល់ការងាររាក់ជ្រៅ អោយជាអ្នកធ្វើការងារធំ ទៅវិញ។

៥-ឃើញសេះមួយ មានមាត់ពីរ ហើយមានមនុស្សពីរនាក់ បញ្ចុកស្មៅ អោយស៊ី នូវមាត់ទាំងពីរ ប៉ុន្តែវាស៊ីមិនចេះឆ្អែតសោះ។

 ព្រះអង្គបានកាត់ថា៖ក្នុងកាលអនាគត មនុស្សមានសេចក្តីលោភលន់ ចង់មានចង់បាន ហួសហេតុ បានហើយចង់បានទៀត មិនចេះស្កប់ស្កល់ មិនចេះគ្រប់គ្រាន់ឡើយ។

៦-ឃើញគេយកភាជន៍មាស មានតម្លៃរាប់សែនតម្លឹង អោយឆ្កែចចកជុះនោមដាក់។

ព្រះអង្គបានកាត់ថា៖ក្នុងកាលអនាគត អ្នកចេះ ប្រាជ្ញបណ្ឌិត គេមិនសូវអោយតម្លៃ ត្រូវបានគេទាត់ចោលទៅម្ខាង មិនយកមក ប្រើការឡើយ។

៧-ឃើញឆ្កែចចកស៊ីខ្សែ ដែលបុរសម្នាក់វេញហើយនោះ ទាល់តែអស់។

ព្រះអង្គបានកាត់ថា៖ក្នុងកាលអនាគត នៅក្នុងជួររាជការ មានមនុស្សពុករលួយ ចាំតែឆ្លៀតឱកាស ក្នុងការកិបកេង ទ្រព្យសម្បត្តិ ប្រទេសជាតិ ដែលជាហេតុ ធ្វើអោយប្រទេសជាតិ មានការវិនាសហិនហោច គ្មានការរីកចំរើន។

៨-ឃើញក្អមធំមួយ មានទឹកពេញ គេដាក់នៅត្រង់កណ្តាល ហើយក្អមតូចៗ ជាច្រើននៅជុំវិញ ឃើញមានមនុស្ស នាំគ្នាដងទឹក ចាក់ចូល តែក្អមដែលមានទឹកពេញស្រាប់ ប៉ុន្តែមិនមានអ្នកណា ម្នាក់ចាប់ភ្លឹក ចាក់ទឹកចូលក្អមតូចៗ ដែលមិនមានទឹក ទទេសោះ។

ព្រះអង្គបានកាត់ថា៖ក្នុងកាលអនាគត ក្នុងប្រទេសជាតិ គេគោរពបូជា អោយតម្លៃ តែអ្នកមានប្រាក់ មានអំណាច មានយសសក្តិ ចំណែកឯអ្នកតូចទាប អ្នកក្រីក្ររ គេមិនអោយតម្លៃ គេមិនយកចិត្តទុកដាក់។

៩-ឃើញស្រះបោក្ខរណីមួយ មានទឹកល្អក់ នៅត្រង់កណ្តាល ឯទឹកនៅតាមច្រាំងជុំវិញ ដែលមនុស្ស សត្វផង តែងចុះអាស្រ័យ បែរជាថ្លាស្អាត។

ព្រះអង្គបានកាត់ថា៖ក្នុងកាលអនាគត ប្រទេសជាតិមានការវិកវរ មានទំនាស់ផ្ទៃក្នុង មានការដណ្តើមអំណាចគ្នា មិនចេះចប់ចេះហើយ ។

១០-ឃើញបាយមួយឆ្នាំង មានឆ្អិនផង ជ្រាយផង និង ឆៅផង។

ព្រះអង្គបានកាត់ថា៖ក្នុងកាលអនាគត ប្រទេសជាតិ មនុស្សមានការច្របូកច្របល់ អ្នកខ្លះល្អ អ្នកខ្លះអាក្រក់ អ្នកខ្លះពុករលួយ អ្នកខ្លះត្រឹមត្រូវ អ្នកខ្លះស្នេហាជាតិ អ្នកខ្លះក្បត់ជាតិជាដើម។

១១-ឃើញគេយកខ្លឹមចន្ទន៍ តម្លៃមួយសែនតម្លឹង ទៅដូរយកទឹកដោះគោជូរ ផ្អូប ហើយស្អុយទៅវិញ។

ព្រះអង្គបានកាត់ថា៖ក្នុងកាលអនាគត មនុស្សក្បត់ឧត្តមគតិផ្ទាល់ខ្លួន មិនស្រលាញ់កិត្តិយស កេរ្តិ៍ឈ្មោះ មិនគិតពីគុណធម៌ មិនគិតពីមេត្តាធម៌ មិនយល់ញាតិមិត្ត មិនយល់បងប្អូន គិតតែប្រយោជន៍ផ្ទាល់ខ្លួន។

១២-ឃើញឃ្លោកលិច អំបែងអណ្តែត។

ព្រះអង្គបានកាត់ថា៖ក្នុងកាលអនាគត ប្រទេសជាតិ មានការប្រែប្រួល ល្អទៅជាអាក្រក់ អាក្រក់ទៅជាល្អ មិនដឹងសខ្មៅ វាបញ្ច្រាស់ទិសគ្នា។

១៣-ឃើញដុំថ្មមួយដុំ ប៉ុនផ្ទះអណ្តែតទឹក រួចហូររសាត់ តាមខ្យល់ទៅបាត់។

១៤-ឃើញសត្វកង្កែបតូចៗ លោតដេញខាំ ពស់វែកធំៗ។

១៥-ឃើញរាជហង្សហើរ ទៅហែរហមសត្វក្អែកទៅវិញ។

១៦-ឃើញពពែ ដេញខាំសត្វខ្លា។

២. ព្រះពុទ្ធទំនាយ


៣. ប្រស្នាព្រះឥន្ទ


៤. ពុទ្ធទំនាយ


៥. ឥសីទំនាយ


៦. ព្រះឥន្ទទំនាយ

៧. សាស្រ្តាពារសុក្រ

៨. សាស្រ្តាពារសៅរិ៍

៩. ព្រះរោងទំនាយ

១. ពុទ្ធទំនាយសោឡសនិមិត្ត	៦. ព្រះឥន្ទទំនាយ
២. ព្រះពុទ្ធទំនាយ	៧. សាស្រ្តាពារសុក្រ
៣. ប្រស្នាព្រះឥន្ទ	៨. សាស្រ្តាពារសៅរិ៍
៤. ពុទ្ធទំនាយ	៩. ព្រះរោងទំនាយ
៥. ឥសីទំនាយ